“AQRARKREDİT” QAPALI SƏHMDAR CƏMİYYƏTİ
BANK OLMAYAN KREDİT TƏŞKİLATI İDARƏ HEYƏTİNİN
29 noyabr 2016-cı il tarixli 72 nömrəli Qərarından
ÇIXARIŞ
“Aqrarkredit” Qapalı Səhmdar Cəmiyyəti Bank Olmayan Kredit Təşkilatının təşkilati strukturuna dəyişiklik edilməsi barədə
Azərbaycan Respublikası Nazirlər Kabinetinin 26 iyun 2016-cı il tarixli, 252 saylı Qərarının icrasını təmin etmək məqsədilə Müsabiqə Komissiyasının müzakirəsinə veriləcək əmlakların satışı və ya kənar idarəcilərin idarəetməsinə verilməsi ilə əlaqədar zəruri sənədlərin hazırlanması, təqdim edilməsi və katiblik funksiyalarının həyata kecirilməsi məqsədilə İdarə Heyəti
QƏRARA ALIR:
1. Azərbaycan Respublikası Nazirlər Kabinetinin 26 iyun 2016-cı il tarixli, 252 saylı Qərarı ilə yaradılmış Müsabiqə Komissiyasının müzakirəsinə veriləcək məsələlərlə bağlı zəruri sənədlərin hazırlanması, təqdim edilməsi və katiblik funksiyalarının həyata kecirilməsi ücün “Aqrarkredit” QSC-nin İdarə Heyətinin 28 yanvar 2016-cı il tarixli 07 saylı Qərarı ilə təsdiq edilmiş təşkilati struktura dəyişiklik edilərək, “Aqrarkredit” QSC-nin “Müsabiqə Komissiyasının işinin təşkili şöbəsi” yaradılsın.
2. “Müsabiqə Komissiyasının işinin təşkili şöbəsi haqqında” Əsasnamə təsdiq edilsin.
3. Bu qərar 01 dekabr 2016-cı il tarixdən qüvvəyə minir.
İdarə Heyətinin Sədri M.Q.Musayev